Норуоттар икки ардыларынаа5ы туризм фестивала - тымныы оройугар Өймөкөөҥҥө.

Икки күннээх фестиваль бастакы күнэ халлааҥҥа харбаспыт хайалардаах, кыһын тоҥмот уулардаах, сайын ирбэт муустардаах кырдьаҕас Өймөкөөн нэһилиэгэр буолан ааста. "Индигир тыына" диэн муус түһүлгэ аһыллыытынан бырааһынньык саҕаламмыта. Бу күн дойду араас муннугуттан ыалдьыттар кэлэн бардылар.Оҕолор кэрэхсибэллэрин улуу Устюг, Польша тымныы кырдьаҕастара уонна тымныы араҥаччыта -  Чысхаан ыллылар. Бырааһынньыкка саха эстрадатын сулустара Ева Мария, Болдьума, культура уонна искусство устудьуоннара кыттыыны ыллылар. 

Ону сэргэ араас спортивнай күрэхтэр, оонньуулар ыытылыннылар. "Байанайдаах ыал" күрэххэ 1 м - Борисовтар дьиэ кэргэн, 2 м - Аммосовтар, 3 м - Слепцовтар. Хотугу хоһуун күрэххэ  биэс көрүҥҥэ кус быһыйдар, мүлдьү бөҕөлөр, кыраҕы харахтар күөн көрүстүлэр. Тыҥааһыннаах киирсии түмүгүнэн Томтор нэһилиэгин быһыйдара үрдүкү наҕараадаҕа тигистилэр. үһүс бочуоттах миэстэҕэ оскуола чулуу спортсмена, кэскиллээх уола Винокуров Григорий таҕыста.